Аустрияда бес адамды пышақтап кетті

ВЕНА. ҚазАқпарат – Өткен түні Вена маңындағы Баден қаласында ер адамның пышақпен шабуыл жасау салдарынан бес адам жарақат алды. Бұл туралы бейсенбі күні жергілікті полицияға сілтеме жасап Аустрияның баспасөз агенттігі хабарлады.

Құқық қорғау органдарының ақпаратынша, шабуыл жасағанның өзі де жарақаттанған.

Ер адам қаланың әр бөліктерінде шабуыл жасаған. Оны полиция қолға түсірді. Құқық қорғаушылар қылмыскердің бұл әрекетіне не себеп болғанын анықтауда.