Australian Open: Елена Рыбакина үшінші айналымға шыға алмады
2022 жылғы 20 қаңтар 12:13

Australian Open: Елена Рыбакина үшінші айналымға шыға алмады

НҰР-СҰЛТАН. ҚазАқпарат – Қазақстанның бірінші, әлемнің 12-ракеткасы Елена Рыбакина Аустралия ашық чемпионатының үшінші айналымына өте алмады, деп хабарлайды ҚазАқпарат тілшісі.

Жарыстың 12-ракеткасы болып тіркелген қазақстандық теннисші екінші айналымда дүниежүзілік рейтингте 74-орында тұрған қытайлық Чжан Шуаймен кортқа шықты.

Бірінші партияда есеп 4:4 болған мезетте қытайлық спортшы брейк жасап кетті – 6:4.

Ч.Шуай екінші сетті брейкпен бастады. Бұдан кейін Елена медициналық көмекке жүгініп, сәлден соң матчты жалғастырудан бас тартты.

Осылайша Аустралия ашық чемпионатында жекелей сында Қазақстаннан ешкім қалмады.

Қытайлық теннисші үшінші айналымда әлемнің 26-ракеткасы, бельгиялық Элиза Мертенспен күш сынасады. Ол екінші кездесуінде румыниялық Ирина Бегуді 6:3, 6:2 есебімен тізе бүктірді.

Еске сала кетейік, бұдан бұрын Анна Данилинаның Аустралия ашық чемпионатын сәтті бастағанын, Александр Бубликтің жарыс жолынан шығып қалғанын жазған болатынбыз.

Сондай-ақ Александр Недовесов Ролан Гаррос чемпионын ұтты.


Автор:
Тілші

Jańalyqtar

MURAǴAT