10:21, 14 Ақпан 2021 | GMT +6
Australian Open: Бублик пен Голубев ширек финалға шыға алмады
НҰР-СҰЛТАН. ҚазАқпарат – Қазақстандықтар Александр Бублик пен Андрей Голубев жұптық сында Аустралия ашық чемпионатының ширек финалына шыға алмады, деп хабарлайды ҚазАқпарат тілшісі.
Қазақстандық жұп төртінші айналымда сальвадорлық Марсело Аревало – нидерландылық Матве Мидделкоппен күш сынасты.
Тартысты өткен бірінші партияда А.Бублик пен А.Голубев тай-брейкте басымдылық көрсетті – 7:6 (7:4).
Екінші сетте қарсыластары дәл солай жауап қайырды – 7:6 (7:3).
Үшінші сетте де олардың жолы болды – 6:3.
Бәсеке 2 сағат 22 минутқа созылды.
Еске сала кетейік, бұдан бұрын А.Бублик пен А.Голубевтің турнирдің көшбасшыларын ұтқанын, Юлия Путинцеваның төртінші айналымға шыға алмағанын жазған болатынбыз.