Australian Open: Андрей Голубев аралас сында ширек финалға шыға алмады
2022 жылғы 23 қаңтар 15:18

Australian Open: Андрей Голубев аралас сында ширек финалға шыға алмады

НҰР-СҰЛТАН. ҚазАқпарат - Қазақстандық Андрей Голубев аралас сында ширек финалға шыға алмады, деп хабарлайды ҚазАқпарат тілшісі.

А.Голубев украиналық Людмила Киченокпен бірге екінші айналымда жапониялық Макото Ниномия - пәкстандық Айсам-уль-Хак Курешимен кездесті.

Бір сағаттан астам уақытқа созылған матчта жапониялық-пәкстандық жұп 6:3, 6:4 есебімен жеңіске жетті.

Осылайша А.Голубев те жарыс жолынан шығып қалды.

Жасөспірімдер турнирінде тағы бір қазақстандық 17 жастағы Аружан Сағындықова жарыстың 8-ракеткасы, бельгиялық Софья Костуласқа есе жіберді - 1:6, 2:6.

Аружан биыл қалған үш «Үлкен дулыға» турниріне қатысады. Келесі жылы 18-ге толғаннан кейін ересектер додасына қосылады.

Еске сала кетейік, бұдан бұрын Анна Данилинаның ширек финалға шыққанын, Максим Батютенконың жасөспірім турнирін сәтті бастағанын жазған болатынбыз.


Автор:
Тілші

Jańalyqtar

MURAǴAT