USD 434.84 EUR 498.2
RUB 5.72 CNY 68.47
Jańalyqtar

Ауғанстанның экономикасы құлдырап, аштық болып жатыр - БАҚ

2021 жылғы 24 қараша 10:28
Бөлісіңіз:
Ауғанстанның экономикасы құлдырап, аштық болып жатыр - БАҚ

НҰР-СҰЛТАН. ҚазАқпарат - ВВС тележүргізушісі Ялда Хаким Ауғанстанда туған. Оның отбасы 80-жылдары басқа елге көшіп кеткен, бірақ кейін ол Ауғанстанға журналист ретінде бірнеше рет келген. Ол ел билігін тәліптер (Қазақстанда тыйым салынған ұйым - ҚазАқпарат) өз қолына алғаннан кейін алғаш рет отанына келіп тұр, деп хабарлайды ҚазАқпарат ВВС агентігіне сілтеме жасап.

«Ауғанстанда денсаулық сақтау жүйесінің қызметкерлері – Кандагардағы дәрігерлерден Кабулдағы аурухананың еден жуушыларына дейін бұған дейінгі үкімет құлағаннан кейін және шетелдік көмек тоқтағаннан кейін жалақы алмаған. Олар өздері де ашаршылық алдында тұр, бірақ соған қарамастан жұмысқа барып, адамдарға көмектесіп жатыр», - дейді журналист.
Насрин Ауғанстан астанасы Кабулдегі Индира Ганди атындағы ауруханада еден жуушы болып жұмыс істейді.
«Егер біз жұмысқа шықпасақ, бұл балалар өліп қалады. Біз оларды қалай тастап кетеміз?», - деді ол.
Кішкентай пациенттердің басым бөлігі тамақ тойып ішпегендіктен өте әлсіз. Палаталар инфекция жұқтырып алмауы үшін таза болуы тиіс.
Насриннің айтуынша, оның көлікке мінетін ақшасы жоқ. Ол жұмысқа жаяу келеді. 12 сағаттық ауысымнан кейін тау жотасымен төмен түсіп, кейін қайта тауға шығады.
БҰҰ бағалауы бойынша, 23 миллион ауғандық аштықтан көз жұмуы мүмкін. Тұрғындардың 95%-ы тойып тамақ ішпейді.
«Талибанның» ресми өкілі Сухейль Шахин бәріне халықаралық қоғамдастықты кінәлап отыр. Оның айтуынша, ауған халқы Батыстың кесірінен жапа шегіп отыр.
«Олар елдің құлдырап жатқанын, ашаршылық алдында тұрғанын айтуда – бұл қайғылы жағдайдың алдын алу үшін бірдеңе істесін. Адам құқығы туралы айтып жүрген елдер, халықаралық қоғамдастықтар Ауғанстанды гуманитарлық кризиске әкелетін әрекеттерін тоқтатсын», - дейді Шахин.


Біздің каналымызға жазылыңыз:

Бөлісіңіз:

Автор:

Ақбөпе Әбдрасул

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT