Ауғанстан министрі қызметіне кандидатты Интерпол іздестіруде

АСТАНА. ҚазАқпарат - Мемлекет басшысы кандидатурасын Ауғанстанның ауыл шаруашылығы министрі қызметіне ұсынған Мохаммед Якуб Хайдари Интерпол іздеп жүрген адамдардың тізімінде жүр, деп хабарлайды Би-би-си.

Президент Хайдари өмірбаянының бұл ерекшелігінен туралы хабарсыз болды, деді әкімшілік өкілі.

Хайдари халықаралық іздеуге 2010 жылы Эстония елінің өтінішімен берілді. Онда оған салық төлеуден жалтару айыбы тағылуда.

Ол бұл тізімге дұшпандарының тіміскілік әрекеттері салдарынан енгенін, ал іс жүзінде шамамен 18 миллион Эстония крондарын кезінде Эстонияда оның иелігінде болған Rapla Dairy зауытының жаңа иелері төлемегенін айтады. Хайдари зауытты 2003 жылы сатып жібергенін айтты. «Бизнес пен саясат әлеміне кірген кезде, мұндай жағдайларға тап боласың», - деп мәлімдеді ол.

Rapla Dairy зауытының төрт менеджері 2003 жылдың соңында Таллин қалалық сотымен ірі айыппұлдар төлеу жазасына кесілді.

52 жастағы Хайдари кезінде КСРО-ның әскери училищесін тәмамдаған, Ауғанстаннан 1992 жылы моджахедтердің президент Наджибулланы құлатуынан кейін кеткен. 2003 жылға дейін Эстонияда бизнеспен айналысқан.