+7 (701) 759 90 19
USD 378.36 EUR 411.92
RUB 5.76 CNY 53.92
Jańalyqtar

Әуежайда ұшағы кешіккен жолаушыларға қандай қызметтер көрсетіледі

2020 жылғы 17 қаңтар 16:16
Бөлісіңіз:
Әуежайда ұшағы кешіккен жолаушыларға қандай қызметтер көрсетіледі

НҰР-СҰЛТАН. ҚазАқпарат – Қазіргі уақытта Нұр-Сұлтан әуежайынан ұшып шығатын 16 және ұшып келетін 18 рейс уақытынан кешігіп жатыр. Бұл жайында Азаматтық авиация комитетінің Facebook парақшасында жарияланған ақпаратта айтылған, деп хабарлайды ҚазАқпарат.

«Ауа-райының қолайсыздығына, атап айтқанда қатты қарлы боранға, ұшу қауіпсіздігі үшін әуе кемелерін мұзға қарсы сұйықтықпен өңдеу жүргізудің мүмкін еместігіне байланысты, Нұрсұлтан Назарбаев халықаралық әуежайына келіп-кететін ұшақ рейстері кешігіп жатыр. Қазіргі уақытта 16 рейс ұшуға кешігуде. Олар: «Эйр Астана« әуе компаниясының 10 рейсі (Шымкент-2 рейс, Атырау, Өскемен, Алматы-2 рейс, Ақтөбе -2 рейсі, Дубай, Новосибирск) және «SCAT« әуекомпаниясының екі рейсі (Алматы, Ақтау). Сонымен қатар, Нұр-Сұлтан-Ыстанбұл бағыты бойынша Turkish Airlines әуе компаниясының рейсі, Нұр-Сұлтан-Дубай бағыты бойынша Флайдубай әуе компаниясының, Нұр-Сұлтан-Франкфурт бағыты бойынша Люфтганза әуе компаниясының, Нұр-Сұлтан-Мәскеу бағыты бойынша Аэрофлот әуе компаниясының рейсі. Ұшып келуге 18 рейс кешігуде. Олар: «Эйр Астана« әуе компаниясының 11 рейсі (Алматы – 3 рейс, Қызылорда, Шымкент - 2 рейс, Орал, Ақтөбе - 2 рейс, Өскемен, Новосібір), «SCAT« әуе компаниясының 4 рейсі (Алматы, Ақтау, Атырау, Мәскеу), Qazaq Air әуе компаниясының 2 рейсі (Жезқазған, Өскемен) және Нұр-Сұлтан-Мәскеу бағыты бойынша FlyArystan әуе компаниясының рейсі», - делінген комитет ақпаратында.

Айта кетерлігі, «Қазақстан Республикасының әуе кеңістігін пайдалану және авиациялық қызмет туралы» Қазақстан Республикасының 2010 жылғы 15 шілдедегі Заңының 86-бабына сәйкес, рейс тасымалдаушының кінәсінен немесе кейінге қалдырылғаннан кейін рейс тоқтатылған немесе кешіктірілген кезде, әуе кемесінің кеш келуіне немесе тасымалдау маршрутының өзгеруіне байланысты рейс тоқтатылады.

Ұшу және аралық пункттердегі жолаушылар үшін мынадай қызметтер көрсетіледі:

1) жеті жасқа дейінгі баласы бар жолаушыға ана мен бала үшін бөлме (егер бар болса) беру;

2) рейстің ұшуын екі сағаттан артық күтіп тұрған кезде бес минуттан аспайтын екі телефон қоңырауы немесе электрондық пошта арқылы екі хабарлама;

3) рейстің ұшуын екі сағаттан артық күту кезінде алкогольсіз сусындармен қамтамасыз ету;

4) рейстің ұшуын төрт сағаттан артық күткен кезде және одан әрі ыстық тамақпен қамтамасыз ету:

- әр алты сағат сайын - күндіз;

- әр сегіз сағат сайын - түнде;

5) тасымалдаушы ұсынған қонақүйде тұру, рейстің сегіз сағаттан астам уақытты күту кезінде - күндіз және алты сағаттан артық - түнде;

6) тасымалдаушы ұсынған көлікпен әуежайдан қонақүйге және кері қайту, егер қонақ үй қосымша ақысыз ұсынылса.

Егер рейс тасымалдаушының кінәсінен он сағаттан астам уақытқа тоқтатылса немесе кешіктірілсе, тасымалдаушы жолаушының таңдауы бойынша:

1) осы баптың 1-тармағына сәйкес қызмет көрсете отырып, жолаушы билетте көрсетілген бағытқа жақын рейспен тасымалдауды қамтамасыз етеді;

2) жолаушыға билеттің толық құнын қайтарады.

Егер көрсетілген қызметтер көрсетілмесе, жолаушыларға «Әкімшілік құқық бұзушылық туралы» 2014 жылғы 5 шілдедегі Қазақстан Республикасы Кодексінің 567-бабына сәйкес әуе компанияларды әкімшілік жауапкершілікке тарту үшін уәкілетті органға хабарласу ұсынылады.

«Бұл ретте метеожағдайлар бойынша әуе рейстерді кешіктіру немесе тоқтату әуе тасымалдаушының кінәсі болып табылмайды. Ауа-райы болжамына сәйкес, ел аумағында қолайсыз метеожағдайлар сақталады. Осыған байланысты жолаушыларға рейстердің жағдайын call-орталықтар мен әуе компаниялардың ресми сайттарында алдын-ала білуге кеңес беріледі. «Эйр Астана» әуе компаниясының байланыс орталықтары: Алматы қ. +7 7272 444477, Астана қ. +7 7172 584477, ұялы телефон: +7 702 702 4477. SCAT әуе компаниясының байланыс орталығы +7 7252 998880. Барлық жолаушылардан ауа-райының қолайсыздығына байланысты әуе рейстерінің кешігуіне түсіністікпен қарауды сұраймыз»,- делінген таратылған ақпаратта.

Еске салсақ, елорда әуежайында боранға байланысты 14 рейс кейінге қалдырылғаны туралы бұған дейін хабарлаған болатынбыз .


Біздің каналымызға жазылыңыз:

Басты сөздер: Нұр-Сұлтан, Қоғам, Ауа райы,
Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT