+7 (701) 759 90 19
USD 429.84 EUR 482.32
RUB 5.77 CNY 67.32
Jańalyqtar

Әуе рейстері үздіксіз орындалады – Индустрия министрлігі авиаотын жетіспеушілігі туралы

2021 жылғы 28 қазан 12:09
Бөлісіңіз:
Әуе рейстері үздіксіз орындалады – Индустрия министрлігі авиаотын жетіспеушілігі туралы

НҰР-СҰЛТАН. ҚазАқпарат – ҚР Индустрия және инфрақұрылымдық даму министрлігі елорда әуежайы мен «СКАТ» әуе компаниясының авиаотын жетіспеушілігіне қатысты мәлімдемелеріне пікір білдірді, деп хабарлайды ҚазАқпарат.

Ұқсас жаңалықтар
Астана әуежайында қалың қарға байланысты рейстер кешіктірілуде «Air Astana ұшағына бомба қойылды»: Компания ақпаратқа қатысты мән-жайды түсіндірді Қазақстанда 23 бағыттағы авиарейстер субсидияланады

«Павлодар мұнай-химия зауытындағы жөндеу жұмыстарына байланысты авиаотынның ішкі нарығында әуежайлар мен әуе компаниялары үшін авиакеросин өндіруде және қамтамасыз етуде белгілі бір қиындықтар бар. Дегенмен тұрақты жолаушылар және жүк рейстері үздіксіз қамтамасыз етілді. ҚР ИИДМ ҚР Энергетика министрлігімен бірлесіп, зауыттардан, жеке компаниялардан, «ҚазМұнайГаз-Аэро» ЖШС-дан Павлодар зауыты жұмысын қайта бастағанша әуе компаниялары мен әуежайларға отын жеткізу кестесін әзірледі», - делінген министрлік хабарламасында.

Қазіргі уақытта әуежайларда 27,9 мың тонна отын бар. Оған қоса, 9,2 мың тонна зауыттардан жөнелтілді және 15,6 мың тоннаға келісімшарт жасалды. Жалпы көлемі – 53 мың тонна.

Қазан айының соңына дейін мұнай өңдеу зауыттары 2 мың тонна авиаотын шығарады. Оның ішінде Нұр-Сұлтан әуежайы үшін қосымша отын бөлінеді. Сондай-ақ, СКАТ әуе компаниясына Шымкент мұнай өңдеу зауытынан қосымша авиакеросин жеткізу жоспарланып отыр.

«Елорда әуежайында 3,1 мың тонна авиакеросин бар. Жақын күндері 3,9 мың тонна жеткізу жоспарланып отыр. Алматы әуежайындағы отын қалдығы – 5,4 мың тонна. 4 мың тонна жөнелтіліп, жолда бара жатыр. 5,8 мың тоннаға келісімшарт жасалды. Эйр Астана әуе компаниясында 7,4 мың тонна, СКАТ әуе компаниясында 1,7 мың тонна отын қалған. 1,5 мың тоннаға келісімшарт жасалды. Тұрақты әуе рейстерді үздіксіз орындала береді», - деп хабарлады индустрия және инфрақұрылымдық даму министрлігі.

Айта кетейік, бұған дейін Нұрсұлтан Назарбаев халықаралық әуежайы авиажанармай тапшылығынан әуежайдың үздіксіз жұмысы тоқтауы мүмкін деп дабыл қаққан болатын.



Біздің каналымызға жазылыңыз:

Бөлісіңіз:

Автор:

Айжан Серікжанқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT