Ауаның ластануы қылмыс деңгейін арттырады - ВВС

НҰР-СҰЛТАН. ҚазАқпарат - «Болашақта полиция қызметкерлері мен бөлімшелері қылмыстың алдын алу үшін қалалар мен аудандарда ауаның ластану көрсеткішін бақылайтын болады.

Бұл ғылыми фантастикалық фильм сюжеті сияқты көрінуі мүмкін. Дегенмен, соңғы жүргізілген зерттеулерде бұл тәжірибе оң нәтиже бере алатыны айтылған», деп жазады ВВС басылымы.

Автордың айтуынша, ауаның ластануы психикалық денсаулыққа кері әсер етіп, адамның ойлау жүйесін зақымдайды. Балалар мектепте нашар оқып, тіпті, қылмыс санының артуына да алып келеді.

«Бүкіл әлемдегі халықтың жартысынан көбі қалалы жерлерде тұратынын ескерсек, ғалымдардың зерттеуі алаңдаушылық туғызады. Ауаның ластануынан жыл сайын жеті миллион адам көз жұмады», - дейді автор.

Оның жазуынша, зерттеуде ғалымдар 600 жылдан астам уақыттағы қылмыс деңгейін назарға алған.

«Зерттеу авторлары ауа ластануының көрсеткіші жоғары жерлерде қылмыс деңгейі көп екенін анықтады. Массачусестс технологиялық институтының ғалымдары да АҚШ-тың 9 мың қаласындағы тоғыз жылдағы ауа көрсеткішін сарапқа салып көрді. Ғалымдар ауаның ластануы негізгі қылмыс категорияларына әсер ететінін айтты», деп жазады автор.