Ауа райына байланысты Нұр-Сұлтан-Щучинск күре жолы жабылды

НҰР-СҰЛТАН. ҚазАқпарат - Нұр-Сұлтан-Щучинск күре жолының учаскесі көліктің барлық түрі үшін жабылды, деп хабарлайды ҚазАқпарат «QazAvtoJol» ҰК» АҚ баспасөз қызметіне сілтеме жасап.

«Құрметті жүргізушілер, қалың қар мен автожолдағы көрініс мүмкіндігі шектеулі болғандықтан, сағат 17:30-дан бастап 18-231 шақырым аралығында барлық автокөліктердің қозғалысына шектеу қойылады. Жолдағы жүргізушілерден мұқият болуларын және қар тазалайтын техниканы басып озғанда қауіпсіздікті сақтауларын сұраймыз»,-делінген хабарламада.