Ауа райына байланысты бірқатар облыста су тасқыны қаупі сақталады - ТЖМ
2023 жылғы 5 ақпан, 22:50
АСТАНА. ҚазАқпарат - «Қазгидромет» РМКҚ төрт аймақтың ауа райына қатысты ескерту жасады, деп хабарлайды ҚазАқпарат.
Синоптиктердің дерегіне қарағанда, 4-10 ақпан аралығында Алматы, Жамбыл, Жетісу және Түркістан облыстарында қар аралас жаңбыр және қатты жауын-шашын түсуі мүмкін.
«Сондай-ақ температураның күрт жоғарылауына байланысты қар мен мұздың тез еруі, беткейден су ағыны және өзен деңгейлерінің көтерілуі ықтимал. Бұл ретте судың жайылуы және тасқыны болуы мүмкін», - деп жазды Қазгидрометтен.
Ал ТЖМ азаматтарға өз үйлерінің аула аймақтарын қардан, арықтарды қоқыс пен мұздан уақытылы тазарту қажеттігін еске салады.
Су деңгейі көтерілген жағдайда 112 телефонына хабарласу қажет.
Сондай-ақ... оқыңыз
Серіктестер жаңалықтары
