Атыраулықтар коронавирусты көбіне қоғамдық орындарда жұқтырады
2022 жылғы 17 қаңтар 21:29

Атыраулықтар коронавирусты көбіне қоғамдық орындарда жұқтырады

АТЫРАУ. ҚазАқпарат – Атыраулықтар коронавирус инфекциясын адамдар көп жиналатын орындарда жұқтырады, деп хабарлайды ҚазАқпарат.

Атырау облыстық Санитариялық-эпидемиологиялық бақылау департаментінің бас маманы Гүлдана Бисембайдың айтуынша, коронавирус індетін жұқтырудың негізгі ошағы ретінде қоғамдық орындар анықталған.

«Соңғы аптадағы талдау көрсеткендей, науқастардың 64,4 пайызы коронавирусқа адамдар көп жиналатын орындарда шалдыққан. Ал 2,5 пайызы қоғамдық көлікте, қалғаны науқастармен жақын қарым-қатынас жасау арқылы жұқтырып отыр», - дейді Гүлдана Бисембай.

Еске салайық, бұдан бұрын Атырау облысында екі тәулікте 1,1 мың адам коронавирус жұқтырғанын хабарлаған болатынбыз.


Автор:
Тілші

Jańalyqtar

MURAǴAT