Атыраулық таэквондошы Нұрлан Домбаев Азия чемпионы атанды

АТЫРАУ. ҚазАқпарат - Атыраулық Нұрлан Домбаев Вьетнам елінің Хошимин қаласында өткен паратаэквондодан ашық Азия чемпионатында чемпион атанды, деп хабарлайды ҚазАқпарат тілшісі.

Атырау облыстық дене шынықтыру және спорт басқармасының баспасөз хатшысы Ілияс Шайxиевтің айтуынша, 75 келі салмақта өнер көрсеткен қазақстандық спортшы алдымен жапониялық Тонака Митсуяны оңай ұтты. Финалда украиналық әлем және Еуропа чемпионы Антон Шветцті нокаудпен тізе бүктірді.

Айта кету керек, 2017 жылы Нұрлан әлем чемпионы атанған болатын. Онда да ақтық сында осы украиналық спортшыны ұпай санымен ұтқан.