+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Атыраулық спортшы ауруханаға алғашқы оттегі концентраторын алып берді

2020 жылғы 14 шілде 06:26
Бөлісіңіз:
Атыраулық спортшы ауруханаға алғашқы оттегі концентраторын алып берді

АТЫРАУ. ҚазАқпарат –Атырау облысының Исатай ауданындағы «Барыс» балалар-жасөспірімдердің дене шынықтыру клубының директоры Асхат Жұмабеков аудандық ауруханаға оттегі концентраторын сыйға тартты, деп хабарлайды ҚазАқпарат.

Ұқсас жаңалықтар
Ақтөбеде ауыл тұрғыны ауруханаға оттегі жастығын тарту етті

Асхат Жұмабеков оттегі концентраторын Алматыдан арнайы алдырған. Бағасы –550 мың теңге.

«Қазіргідей қиын кезде дәрігерлер науқастарды емдеуде мігірсіз еңбек етуде. Менің ата-анам да осы салада ұзақ жыл еңбек еткендіктен, дәрігерлердің тынымсыз жұмысының ауырлығын жақсы білемін. Алайда, дәрігерлерге де кейде мүмкіндігі бар азаматтардың қолдауы қажет-ақ», - дейді Асхат Жұмабек.

Аудандық аурухананың дәрігері Сержан Сәндібаевтың айтуынша, оттегі концентраторы –қазіргі кезде ең қажетті құрылғы.

«Бұл –біздің ауруханадағы алғашқы құрылғы. Үздіксіз оттегі бөліп тұратындықтан, оған ауа толтырудың қажеті жоқ. Осы кезге дейін бізде мұндай құрылғының жоқтығынан, науқастар арнайы оттегі баллондары арқылы тыныс алушы еді. Ал, мұндай баллондарды санаулы сағаттан соң ауыстырып тұру керек. Осындай оттегі концентраторының жоқтығы жанымызға бататын», -дейді дәрігер Сержан Сәндібаев.

Еске сала кетелік, бұған дейін Атырау кәсіпкерлері ауруханаға 3,2 мың дана дәрі алып берген еді.


Біздің каналымызға жазылыңыз:

Бөлісіңіз:

Автор:

Бек Мұстафа

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT