Атыраулық паратаеквондошы Азия чемпионы атанды

АТЫРАУ. ҚазАқпарат - Атыраулық паратаеквондошы Азия чемпионы атанды, деп хабарлайды ҚазАқпарат тілшісі.

«Атыраулық паратаеквондошы Нұрлан Домбаев Вьетнамның Хошимин қаласында өткен спорттың аталған түрінен Азия чемпионы атанды. 75 келіге дейінгі салмақ дәрежесінде күш сынасып, бірінші жекпе-жекте жапондық қарсыласы Тонака Митсуянды ойсырата жеңді. Жерлесіміз финалда Әлем және Еуропа чемпионы Антон Шветцпен айқасты. Нұрлан оны нокаутпен жеңді», - делінген облыстық дене шынықтыру және спорт басқармасы хабарламасында.