USD 434.34 EUR 491.93
RUB 5.56 CNY 68.67
Jańalyqtar

Атыраулық палуан самбодан әлем кубогінің иегері атанды

2021 жылғы 28 наурыз 23:18
Бөлісіңіз:
Атыраулық палуан самбодан әлем кубогінің иегері атанды

АТЫРАУ. ҚазАқпарат – Атыраулық палуан Айбек Абдилов самбодан әлем кубогінің иегері атанып, халықаралық дәрежедегі спорт шебері нормативін орындады, деп хабарлайды ҚазАқпарат.

Ұқсас жаңалықтар
Атырауда алиментін төлемеген борышкердің көлік жүргізу куәлігін пайдалануы уақытша тоқтатылды Сапалы жоспарлау стандарты: Атырау қаласын дамыту тұжырымдамасы қалай іске асады Оксана Тен: Вице-президент лауазымын маған Болат Жәмішев ұсынды

Атырау облыстық спорт және дене шынықтыру басқармасы баспасөз қызметінің мәліметінше, 25-26 наурызда Ресей Федерациясының астанасы – Мәскеуде самбо күресінен Харлампиев атындағы әлем кубогі өткен.

«Харлампиев атындағы әлем кубогі 1980 жылдан бері дәстүрлі түрде өткізіліп келеді. Биыл оған 16 елден 300-ден астам спортшы қатысты. Дүбірлі додада атыраулық спортшы Айбек Абдилов 64 келі салмақта бақ сынады. Ол іріктеу кезеңінде ресейлік спортшыдан басым түсті. Жартылай финалда қырғыз палуанынан айласын асырды. Ал, ақтық сында өзбек спортшысын ұтып, Харлампиев атындағы әлем кубогінің иегері атанды» -деп хабарлады басқарманың баспасөз қызметінен.

Айбек Абдилов әлемдік сайыста халықаралық дәрежедегі спорт шебері нормативін орындады.

Еске сала кетелік, бұдан бұрын атыраулық жас палуан әлем чемпионы атанған болатын.


Біздің каналымызға жазылыңыз:

Бөлісіңіз:

Автор:

Бек Мұстафа

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT