+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Атыраулық оқушысы алоэ өсімдігінен сусабын мен йогурт жасап шығарды

2020 жылғы 16 қазан 20:29
Бөлісіңіз:
Атыраулық оқушысы алоэ өсімдігінен сусабын мен йогурт жасап шығарды

АТЫРАУ. ҚазАқпарат –Атырау облысында 9-сынып оқушысы алоэ өсімдігінен сусабын мен йогурт жасап шығарды, деп хабарлайды ҚазАқпарат.

Облыстық білім басқармасы баспасөз қызметінің мәліметіне қарағанда, Жылыой ауданының орталығы – Құлсары қаласында тұратын 9-сынып оқушысы Нұрдәулет Мандияров алоэ өсімдігінен бет күтіміне маска, сусабын мен балаларға арналған йогурт жасап шығарған.

Қазір ол №8 жалпы білім беретін орта мектепте оқиды. Ол бос уақытында алоэ өсімдігін зерттеп, оның қасиетін жоғалтпай, құрамындағы элементтер сақталған қолжетімді өнім алу бағытындағы ғылыми жобаны іске асырған. Оның айтуынша, алоэ өсімдігі арқылы барлық ауруларды емдейтін дәрілік заттар шығаруға болады.

«Ғылыми жобамның тақырыбы – «Денсаулық пен сұлулық кепілі – алоэ». Аталған өсімдіктің пайдасы ұшан-теңіз. Қазіргі уақытта экологияның нащарлауына байланысты тері, асқазан аурулары, түрлі аллергиялар көп кездеседі. Сондықтан аталған ауруларға қарсы алоэ өсімдігінен отандық өнімдер шығарсам деген ниетім бар. Болашақта осы бағыттағы жобамды жалғастырып, ғылыми жаңалық ашқым келеді», - дейді жас ғалым Нұрдәулет Мандияров.

Оқушының ғылыми жетекшісі, химия пәнінің мұғалімі Фарида Машырықова шәкіртінің болашағынан зор үміт күтетінін жасырмайды.

«Нұрдәулеттің ғылыми жоба аясында тәжірибелік мүмкіндігін сынап көруі жоғары нәтиже көрсетті. Ол алоэдан дайындалған өнімнің табиғилығы мен пайдалы екенін ғылыми тұрғыдан дәлелдеді. Оның мақсаты – өсімдіктен қолжетімді өнімдер әзірлеп, күнделікті қолданысқа енгізу. Бұл бағытта көп ізденді. Зерттеушілік дағдысының жоғары деңгейде екенін танытқан оқушы бұл жобаны ғылыми зерттеу нысанасына айналдырады» - дейді Фарида Машырықова.

Еске сала кетелік, бұдан бұрын атыраулық оқушылардың ғылыми жұмысы халықаралық жинаққа енген еді.



Біздің каналымызға жазылыңыз:

Бөлісіңіз:

Автор:

Бек Мұстафа

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT