Қолданушы баптаулары
Қолданушы баптаулары
+7 (701) 759 90 19 Лента
Астана: 31 °С
Алматы: 31 °С
USD 345.55 EUR 401.01
RUB 5.45 CNY 50.98
Жаңалықтар

Атыраулық оқушылар асфальтқа Астананың келбетін бейнеледі

2018 жылғы 23 маусым 22:48 799
Бөлісіңіз:
Атыраулық оқушылар асфальтқа Астананың келбетін бейнеледі

АТЫРАУ. ҚазАқпарат - Атырау облыстық әкімдігінің маңында қаладағы лагерлер мен қосымша білім беру ұйымдарындағы оқушылар арасында асфальтқа сурет салудан арнайы шара ұйымдастырылды, деп хабарлайды ҚазАқпарат тілшісі өңірлік коммуникациялар қызметіне сілтеме жасап.

Бүгінгі шара Атырау облыстық білім беру басқармасының бастамасымен ұйымдастырылып отыр. «Жазғы лагерь демалушыларының Астананың 20 жылдығына тартуы» деп аталатын шараның негізгі мақсаты баланың елордаға деген махаббатын сурет арқылы көрсету. Балалар жерге салған суреттерінің мазмұнын айтып берді.


Атыраулық оқушылар асфальтқа Астананың келбетін бейнеледіОлар Астана қаласындағы əдемі ғимараттар мен Бəйтеректің бейнесін əдемі бояулармен салды. Сонымен қатар, суреттерін облыс əкімі Нұрлан Ноғаев тамашалап, балаларға өз ризашылығын білдірді.

Ұйымдастырушылардың айтуынша, осындай шаралардың өтуі балалардың сурет салуға деген қызығушылығын оятады.

«Бізде мамандырылған білім беру ұйымдары бар. Жазда баланың қабілеттілігіне қарай үйірмелер жұмыс жасайды. Бұл үйірмелерге қатысқан балалар сырлы бояумен, басқада қарындашпен суреттер салды. Балалар өте белсенді қатысты. Қызығушылықтары жоғары болды. Алдағы уақыттарда лагерьдегі балаларды Атырау қаласына саяхат ұйымдастырып, облыстық музейді аралататын боламыз», деді облыстық білім беру басқарма басшысының орынбасары Злиха Дүйсекенова.


Атыраулық оқушылар асфальтқа Астананың келбетін бейнеледіШара соңында қатысқан барлық оқушыларға алғыс хат табысталды. Ал, үздік деп танылған 20 балаға Құрмет грамотасымен марапатталды.

Айта кетейік, биылғы жылы қалада 53 мектеп жанындағы жазғы лагерь жұмыс жасайды. Ал, облыс бойынша 150-ден астам лагерь қызмет жасап жатыр.

 


Бөлісіңіз:

Автор:

Абай Абылайұлы

Онлайн қызметкерлер
Редактор
Гүлмира Алякпарова
Гүлмира Алякпарова
954-059
Редактор
Жарылқасын Саягүл
Жарылқасын Саягүл
954-059
Мұрағат