Атыраулық мұғалімді өлтірген күдікті қамауға алынды
2017 жылғы 10 қаңтар 21:15

Атыраулық мұғалімді өлтірген күдікті қамауға алынды

АТЫРАУ. ҚазАқпарат - Атырау қалалық №2 сотының тергеу судьясы қаладағы №16 орта мектебі мұғалімін өлтірген күдіктіге қатысты тергеушінің өтінішін қабыл алып, екі айға қамауға алынды, деп хабарлайды «ҚазАқпарат» ХАА тілшісі.

Еске сала кетейік, 5 қаңтар күні Авангард мөлтекауданындағы №16 орта мектебінде дене шынықтыру пәні мұғалімінің мәйіті табылды. 1960 жылы туған ер кісінің зорлықпен өлтірілген іздері табылды. Қылмысты жасады деген күдікпен білім ордасында әрі күзетші, әрі сантехник ретінде жұмыс жасайтын 49 жастағы ер кісі ұсталды.

Тергеу нұсқалары бойынша, қылмыс спирттік ішімдіктерді бірге отырып ішу барысында жасалған. Күдіктіге қатысты Қазақстан Республикасы Қылмыстық кодексінің 99-бабы (Адам өлтіру) бойынша сотқа дейінгі тергеу жұмыстары басталды.

«Екі айға қамалған күдікті тергеу барысында Тергеу оқшаулағышында болады» деген ақпарат берді №2 қалалық сотының баспасөз қызметі.

Автор:
Тілші

Jańalyqtar

MURAǴAT