+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Атыраулық дәрігерлер нәресте өлімі фактісін жабу үшін пара бермек болған

2019 жылғы 4 қазан 18:35
Бөлісіңіз:
Атыраулық дәрігерлер нәресте өлімі фактісін жабу үшін пара бермек болған

НҰР-СҰЛТАН. ҚазАқпарат – Атырауда перинатальды орталықтың бірнеше қызметкері сыбайлас жемқорлыққа қатысты іске қатысы бар деген күдікке ілініп отыр. Бұл туралы елордада Сыбайлас жемқорлыққа қарсы іс-қимыл агенттігінде өткен брифинг барысында агенттік төрағасының орынбасары Шыңғыс Қабдолла мәлім етті, деп хабарлайды ҚазАқпарат тілшісі.

«Атырау облыстық перинатальды орталықтың бірнеше лауазымды қызметкерінің сыбайлас жемқорлыққа қатысты тергелуіне ерекше тоқталып өтсем деймін. Аталған орталық басшысы өзінің бағыныштыларына сот-медициналық сараптама институты филиалының басшылығына 300 мың теңге пара бергізуге итермелеген. Осылайша, тергеу нұсқасына сәйкес, н әрестенің өліміне қатысты дәрігердің қателігі болмады деген сараптама қорытындысын алу көзделген», - деді Шыңғыс Қабдолла.

Сонымен бірге, ол жоғары лауазымын пайдаланып, демеушіліктен келген 1,5 млн теңгені өз пайдасына жаратқан.

«Дәрігерлердің біліктілігін арттыру бойынша шетелдік іссапардың қажеттілігі үшін жеке компаниядан ақша сұралған. Компания директорынан алған қаражатты аурухана басшысы өз мақсатына жаратып, шетелде демалып келген», - деді Ш.Қабдолла.

Біздің каналымызға жазылыңыз:

Бөлісіңіз:

Автор:

Аян Бекенұлы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT