Атыраулық балғын қыз Түркиядағы сұлулық байқауына қатысады
«Атыраудың кішкентай тұрғыны Алтынай Рамазанова «Мини ханзада және Азия ханшайымы» республикалық байқауында гран-при ұтып алған болатын. Осылайша, ол «Кішкентай ханшайым мен әлем ханзадасы» халықаралық байқауында Қазақстан намысын қорғамақ. Алтынай небәрі 4 жасында «Атыраудың кішкентай ханшайымы - 2018» байқауында жеңімпаз атанған еді. «Мини ханзада және Азия ханшайымы» сынды республикалық деңгейдегі конкурсқа алғаш рет қатысқан болатын. Сұлулық байқауына Қазақстанның түкпір-түкпірінен 30 бала жиналды. Алтынай қазылар алқасына өзінің сүйкімділігімен және балалық табиғи болмысымен әсер ете алды», - деп мәлім етті әкімдіктің баспасөз қызметінен.
Алтынай Рамазанованың ата-анасы онлайн-журналмен келісімшартқа отырды. Атыраулық балғынның бейнесі оның мұқабасына орналастырылатын болады.
Халықаралық байқау мамыр айында Түркияның Бодрум қаласында өтеді.
Авторы: Андрей Соколов