19:51, 16 Шілде 2020 | GMT +6
Атырауға дәрі-дәрмектің ірі партиясы тиелген жүк көлігі келді
АТЫРАУ. ҚазАқпарат – Атырау облысына жүк көлігімен дәрі-дәрмектің ірі партиясы жеткізілді, деп хабарлайды ҚазАқпарат.
Өңірлік коммуникациялар қызметінің мәліметінше, кеше, 15 шілдеде Атырауға жеткізілген дәрі-дәрмектің ірі партиясында коронавирусқа шалдыққандарды емдейтін медициналық препараттар да бар.
«Алматыдан Атырауға жалпы құны 220 млн теңгені құрайтын 470 дәрі-дәрмектің 2 мыңнан астам қорабы жеткізілді. Алынған препараттардың ішінде антибиотиктер мен қызу түсіретін дәрілер бар. Бұл дәрі-дәрмек облыстың дәріханаларына бүгін-ертең таратылады» деп хабарлады өңірлік коммуникациялар қызметі.
Бұрын препараттар теміржолмен жеткізілетін. Оған 10 күн немесе одан көп уақыт кететін.
Ал, қазір облыс әкімдігі дәрі-дәрмекті ұшақ және жүк көлігімен жылдам жеткізуді ұйымдастырып отыр.