Атыраудан Ресейге әуе рейсі қайта жанданады

НҰР-СҰЛТАН. ҚазАқпарат – 26 сәуірден бастап Атырау мен Астрахань арасындағы әуе рейстері қайта ашылады. Бұл туралы ҚазАқпарат Индустрия және инфрақұрылымдық даму министрлігіне сілтеме жасап хабарлайды.

26 сәуірден бастап қазақстандық «Qazaq Air» әуе компаниясы Атырау мен Астрахань қалалары арасында аптасына 2 рейс жиілікпен халықаралық рейстерді орындамақ.

Рейстер сейсенбі және сенбі күндері Bombardier Q400 типті әуе кемесінде орындалады деп жоспарлануда.

Барлық рейс санитарлық-эпидемиологиялық талаптарды қатаң сақтай отырып және әуекомпания сайтында жарияланған кестеге сәйкес жүзеге асырылатын болады.