+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Атырауда Жайық өзеніндегі су деңгейі неге төмендеді

2021 жылғы 22 қыркүйек 02:52
Бөлісіңіз:
Атырауда Жайық өзеніндегі су деңгейі неге төмендеді

АТЫРАУ. ҚазАқпарат – Атырауда Жайық өзеніндегі су деңгейінің төмендеуіне байланысты түсінік берілді, деп хабарлайды ҚазАқпарат.

Ұқсас жаңалықтар
Атырау облысында 224 адам ревакцинациядан өтті Атырау облысында коронавирус жұқтырғандар саны күрт төмендеді Атырау студенттері мұнай өнімдерінің қалдығынан түрлі киім тікті

Жақында жергілікті БАҚ-та Атырау қаласынан 25 шақырым қашықта Жайық өзені арнасының құрғауына байланысты суреттер жарияланған. Осыған байланысты Су ресурстары комитеті Жайық-Каспий бассейндік инспекциясының өкілдері Атырау облысының әкімдігімен бірге БАҚ-та көрсетілген орынды тексерді.

«Бұл жер шоғырлану-қуғындау құбылыстарының әсер ету аймағында екені анықталды. 19-20 қыркүйекте өзеннің осы учаскесінде солтүстік-батыс бағыттан жел соққан. Бұл Каспий теңізі деңгейінің ауытқуына әсер етті. Соның салдарынан Жайық өзенінің арнасында су тартылып, аралдардың пайда болды. Қазір өзеннің осы учаскесіндегі жел оңтүстік-батыс бағыттан соғуда. Демек, су кері қайтып, пайда болған аралдар су астында қалды», - деп хабарлады комитеттің баспасөз қызметі.

Комитеттің ақпаратына сүйенсек, соңғы жылдары Жайық өзені бассейнінде судың аздығы бірнеше жылдан бері жалғасып келеді. Мәселен, Январцево гидробекетінің шекаралық тұсындағы ағын 3,5-5,5 текше шақырым деңгейінде байқалған. Ал, орташа көпжылдық ағын кезінде 8,14 текше шақырым. Бұл ағынның орташа көпжылдық дерегімен салыстырғанда 2 есе азайғанын көрсеткен.

«Жайық өзенінің негізгі ағысының 80%-ы Ресей Федерациясының аумағында қалыптасады. Қазір Қазақстан шекарасына жақын орналасқан Ириклин су қоймасының (РФ аумағында) көлемі 2681 млн текше метрді құрайды. Су ағызу секундына 15 текше метр шығынмен бекітілген кестеге сәйкес жүзеге асырылады. Былтырғы жылдың сәйкес кезеңінде су қоймасының көлемі 2808 млн метр. Ал, су ағызу секундына 14,3 текше метр шығынмен жүзеге асырылды», - деп мәлім етті баспасөз қызметінен.

Еске сала кетелік, бұдан бұрын Жайық өзенінің Каспий теңізіне құяр сағасының тереңдігі өлшенгенін жазған болатынбыз.

Біздің каналымызға жазылыңыз:

Бөлісіңіз:

Автор:

Бек Мұстафа

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059

MURAǴAT