11:03, 19 Шілде 2021 | GMT +6
Атырауда жасөспірім Жайыққа батып кетті
АТЫРАУ. ҚазАқпарат – Атырауда 15 жасар жасөспірім Жайық өзеніне батып кетті, деп хабарлайды ҚазАқпарат.
Облыстық төтенше жағдайлар департаменті баспасөз қызметінің мәліметінше, оқыс оқиға 18 шілдеде болған.
«Кеше сағат 20:15 шамасында 2006 жылы туған жасөспірім «Атырау» дене шынықтыру-сауықтыру кешені тұсындағы жағажайда Жайық өзеніне суға түскен. Алайда, жасөспірім өзеннен қайта шықпай қалған. Жедел-құтқару жасағының құтқарушылары сағат 20:31-де Жайыққа батқан баланың денесін судан шығарды» -деп хабарлады департаменттің баспасөз қызметі.
Еске сала кетелік, бұдан бұрын Атырау облысында бір күнде екі адам суға кеткен болатын.