Валюта бағамдары:
    usd/kzt 477.98 eur/kzt 488.93

    rub/kzt 7.93 cny/kzt 70.82
Ауа райы:
Нұр-Сұлтан: 1 °С
Алматы: 15 °С

Атырауда жарты тоннадан астам бекіре тәркіленді

2022 жылғы 26 маусым 19:43

АТЫРАУ. ҚазАқпарат – Атырау, Маңғыстау және Батыс Қазақстан облыстарының су айдындарында екі айға созылған «Бекіре-2022» балық қорғау акциясы кезінде браконьерлерден 21 тонна балық тәркіленіп, 19,7 млн теңге айыппұл салынған еді. Кеше түнде жарты тоннадан астам бекіре тәркіленді, деп хабарлайды ҚазАқпарат.

Жайық-Каспий облысаралық бассейндік балық шаруашылығы инспекциясының қызметкерлері браконьерлікке қарсы кең ауқымды акция кезінде құқық және табиғат қорғау органдарының және ҰҚК Шекара қызметінің өкілдерімен бірге табиғат қорғау заңнамасы бұзылған 1231 деректі анықтаған еді.

Кеше, 25 маусымда 533,95 келі бекіре тұқымдас балық түрлерін қолды қылмақ болғандардың жолын кесті.

«Теңіз балық инспекциясы мен Дамбы балық инспекциясының мамандары бірлескен рейд жүргізді. Рейдке Ақжайық мемлекеттік табиғи резерватының қызметкерлері де қатысты. Түнгі​ сағат 03:00 шамасында Каспий​ теңізі​ ​ бағытынан келе жатқан​ байла қайығы тоқтатылды. Қайыққа​ 2 дана қос маторлы «Ямаха-200«​ орнатылған. Алайда тоқтаудан бас тартқан үш адам​ Дамбы ауылының тұсында Жайық өзенінің жағалауына қарай қашып кетті. Түнгі​ мезгілге​ байланысты қашкан адамдарды табуға мумкіндік болған жоқ. Бұл туралы 102 нөміріне хабар берілді.​ Байда қайығына полиция қызметкерлерімен бірге тексерілді. Қайықтан бекіре тұқымдас балықтар табылды. бекіре тұқымдас балықтардың жалпы салмагы 533,95 келіні құрады. Қазіргі кезде заңсыз балық аулаушыларды анықтау жұмыстары жүргізіліп жатыр» -деп хабарлады инспекцияның баспасөз қызметінен.

Еске сала кетелік, бұдан бұрын Атырауда браконьерлерден 21 тонна балық тәркіленіп, 20 млн теңгеге жуық айыппұл салынғанын жазған едік.


Автор:

Бек Мұстафа

Новости по теме
Ұқсас жаңалықтар