Атырауда заңсыз мұғалім болып жүрген нигериялық жауапкершілікке тартылды

АТЫРАУ. ҚазАқпарат - Атырауда Нигерияның азаматы көші-қон саласындағы заңнамаың талаптарын бұзған​, деп хабарлайды ҚазАқпарат облыстық Полиция департаментінің баспасөз қызметіне сілтеме жасап.

«Индер ауданында жеке оқыту орталығында ағылшын тілін үйрету үшін шақыртылған Нигерия азаматы ҚР көші-қон саласындағы заңнамасының талаптарын сақтамағаны анықталды. Қазақстан аумағында болу визасы аяқталғанына қарамастан және еңбек етуге рұқсат қағазы болмаса да педагогтік қызметпен айналысып жүрген оған көші-қон полициясы ҚР ӘҚБтК 517-бабының 4 және 5-бөлімдері бойынша xаттама толтырылды, іс сотқа жолданды», - делінген хабарламада.

Шетелдіктің заңбұзушылығы 18-20 наурыз аралығында облыс көлемінде өтіп жатқан «Құқықтық тәртіп» шарасы кезінде анықталған.