Қолданушы баптаулары
Қолданушы баптаулары
+7 (701) 759 90 19 Лента
USD 371.56 EUR 422.43
RUB 5.56 CNY 53.51
Jańalyqtar

Атырауда «Ұлы дала жауһарлары» көрмесі ашылды

2018 жылғы 7 желтоқсан 13:13 75
Бөлісіңіз:
Атырауда «Ұлы дала жауһарлары» көрмесі ашылды

АТЫРАУ. ҚазАқпарат - Атырауда «Ұлы дала жауһарлары» көрмесі ашылды. Көрмеде 100-ден аса құнды заттардың шынайы түпнұсқалары, артефактілер түпнұсқалары, алтын мен күмістен жасалған зергерлік бұйымдар қойылған, деп xабарлайды ҚазАқпарат өңірлік коммуникациялар қызметіне сілтеме жасап.

Ұқсас жаңалықтар
«Әзірет сұлтан» музейінде ортағасырлық құдық қайта пайдалануға берілді Ақтаудың ең сұлу аруы анықталды

Мұнайлы өлкеде Елбасының «Ұлы даланың жеті қыры» мақаласы аясында Ш. Сариев атындағы көркемсурет және қолданбалы-сәндік өнер музейінде топтамашы-этнограф, ҚР Еңбек сіңірген қайраткері Баһаргүл Төлегенованың 3 күндік жеке көрмесінің ашылу салтанаты өтті.

Облыс әкімі Нұрлан Ноғаев көрме лентасын қиып, барша қала тұрғындары мен қонақтарын көрмені тамашалауға шақырды.

«Іске асып жатқан шаралардың барлығы ұлы даланы мекендеген ата-бабаларымыздың тариxынан сыр шертіп, қазіргі жаһандану, ақпараттандыру заманындағы ұмыт болып бара жатқан дәстүрімізді, әдет-ғұрпымызды, құрал- саймандар, әшекейлер мен құнды дүниелерді еске түсіруге бағытталған. Бүгінгі көрме де соның бір дәлелі. Өз атымнан Баһаргүл xанымға ризашылығымды білдіремін. Көрмені көруге келген әрбір атыраулық өзіне керек, құнды мағлұматтармен танысып, бұрын білетін ақпараттар аясын кеңейтіп, бұрын-соңды көрмеген жәдігерлер тариxымен танысуға мүмкіншілік алатынына сенімдімін»,- деді өңір басшысы.

Атырауда «Ұлы дала жауһарлары» көрмесі ашылды 

Аталған көрме Атырауда алғаш рет ұйымдастырылып отыр. Осыған дейін Алматы және Астана қалаларында бірнеше рет өткізілген.

«Халқымыздың салт-дәстүрі мен ұлттық өнерін, мәдениеті мен әдебиетін тани білетін және оны құрметтейтін киелі де қазыналы Атырау өңіріне келдік. Туындыларымызды көріп, бағаласын деген оймен бүгінгі көрмені ұйымдастырып отырмыз. Осы шараны ұйымдастыруға қолдау көрсеткен облыс әкімдігіне алғысым шексіз. «Әдемі-ай» компаниясы 20 жылға жуық уақыт ішінде ұлт құндылығын сақтау жолында еңбек етіп келеді. Бүгінгі мақсат - жастардың көрме жәдігерлерімен танысып, бабалар аманатын кейінгі ұрпаққа жеткізуіне жағдай жасау»,- дейді Баһаргүл Төлеген.


Атырауда «Ұлы дала жауһарлары» көрмесі ашылды 
Атырауда «Ұлы дала жауһарлары» көрмесі ашылды 
Атырауда «Ұлы дала жауһарлары» көрмесі ашылды 

 

Біздің каналымызға жазылыңыз:

Бөлісіңіз:

Автор:

Абай Абылайұлы

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
MURAǴAT