Атырауда туысының 11 мың АҚШ долларын ұрлаған күдікті ұсталды

АТЫРАУ. ҚазАқпарат - Атырауда туысының 11 мың АҚШ долларын ұрлаған күдікті ұсталды, деп хабарлайды ҚазАқпарат.

Аймақтағы полиция департаментінің мәліметінше, 26 жастағы күдікті Атырау қаласы Балауса ықшам ауданында тұратын туысының қаражатын жымқырған.

«Ол 58 жастағы туысына тиесілі 30 мың АҚШ доллар ақшасын көріп, сол ақшаның ішінен 11 мың АҚШ долларын ұрлап алған. Анықталғандай, күдікті 8 мың АҚШ долларын үй ішіндегі әжетханаға тығып, ал 3 мың АҚШ долларын алып, оқиға болған жерден бой тасалап, қашып кеткен. Күдікті анықталып, ұсталды», - деп жазды ведомстводан.

Аталған​ дерек​ бойынша​ ҚР ​ҚК-нің 188-бабы 3-бөлігі 1-тармағы (Ұрлық) бойынша тергелген іс сотқа жолданды.