Атырауда төтенше жағдай режимін бұзған 38 адам жауапқа тартылды
2020 жылғы 31 наурыз 14:01

Атырауда төтенше жағдай режимін бұзған 38 адам жауапқа тартылды

АТЫРАУ. ҚазАқпарат –Атырау облысында төтенше жағдай режимін бұзған 38 адам жауапқа тартылған, деп хабарлайды ҚазАқпарат.

«Облыс прокуратурасымен төтенше жағдай талаптарының орындалуын қамтамасыз ету үшін мобильді топ құрылды. Оның жұмысының нәтижесінде режимді бұзғаны үшін 38 тұлға жауапқа тартылды. Соның ішінде 5 кәсіпкер әкімшілік қамауға алынды. Олар –«Хан­шайым», «Нәрлі» мейрамханаларының, «Аман­жан» дәмханасының, «Финбет» букмекерлік кеңсесінің иелері мен «Ямато» суши-барының әкімшісі» - деп хабарлады облыстық прокуратураның баспасөз қызметі.

Сондай-ақ, әлеуметтік желілерде көрінеу жалған ақпараттар (тұрғындардың коронавируспен ауыратыны туралы) тарату (Қылмыстық Кодекстің 274-бабы), жеке және отбасылық құпияны құрайтын мәліметтерді (коронавирусқа ұшыраған 3 тұлғаның аты-жөндері) тарату (Қылмыстық Кодекстің 147-бабы) фактілері бойынша сотқа дейінгі тергеп-тексеру жүргізілуде.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT