Атырауда стационарлардың жансақтау бөлімінде жатқан 100 науқастың жағдайы ауыр

АТЫРАУ. ҚазАқпарат – Атырауда инфекциялық стационарлардың жансақтау бөлімінде жатқан 100 науқастың жағдайы ауыр, деп хабарлайды ҚазАқпарат.

Облыстық денсаулық сақтау басқармасы баспасөз қызметінің ақпаратына сүйенсек, инфекциялық стационарларда емделуге оқшауланған науқастар саны 1 789-ға жеткен.

«Қазір 3 012 орны бар инфекциялық стационарлардағы жүктеме 59,3%-ды құрайды. Ал, стационарлардың 114 орындық жансақтау бөлімінде емделіп жатқан 100 науқастың жағдайы ауыр. Оның ішінде 14 пациент өкпені жасанды желдету аппаратына қосылды. Мұндағы жүктеме 87,7%-ға жетті» -деп мәлім етті басқарманың баспасөз қызметінен.

Еске сала кетелік, бұған дейін Теңіз кен орнында коронавирус жұқтырғандар саны күрт өскенін жазған едік.