USD 436.29 EUR 492.83
RUB 5.92 CNY 68.48
Jańalyqtar

Атырауда сауда орталығында тыйым салынған діни кітаптар сатылған

2021 жылғы 10 қазан 01:33
Бөлісіңіз:
Атырауда сауда орталығында тыйым салынған діни кітаптар сатылған

АТЫРАУ. ҚазАқпарат – Атырауда сауда орталығындағы дүңгіршекте тыйым салынған діни кітаптар сатылған, деп хабарлайды ҚазАқпарат.

Ұқсас жаңалықтар

Облыстық полиция департаменті баспасөз қызметінің мәліметінше, экстремизмге қарсы іс-қимыл басқармасының қызметкерлері 5-7 қазанда «Діни қызмет және діни бірлестіктер туралы» заңның орындалысын бақылау мақсатында сауда орталықтарында рейд өткізді.

Рейдке облыстық дін істері басқармасының өкілдері қатысты.

«Бірлескен рейд кезінде Атырау қаласындағы қайырымдылық мекемелері, мешіттер, «Дина», «Байзар», «Насиха» сауда орталықтарындағы дүңгіршектер тексерілді. Сауда орталығындағы дүңгіршектің бірінде тыйым салынған діни мазмұндағы әдебиеттерді заңсыз сатуға қатысты бірнеше заңбұзшылық анықталды. Полиция қызметкерлері заңсыз сатылымнан 24 дана діни кітапты тәркіледі. Діни кітаптар сараптамаға жіберілді», -деп хабарлады департаменттің баспасөз қызметі.

Сауда орталығындағы дүңгіршектің иесіне қатысты діни қызмет және діни бірлестіктер туралы заңнамасын бұзғаны үшін ҚР Әкімшілік құқық бұзу кодексінің 490-бабының 1.3-тармағымен әкімшілік хаттама толтырылды.

Еске сала кетелік, бұдан бұрын Атырауда деструктивті діни ағымның 44 өкіліне 1,9 млн теңге айыппұл салынғанын хабарлаған болатынбыз.

Біздің каналымызға жазылыңыз:

Бөлісіңіз:

Автор:

Бек Мұстафа

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT