Атырауда полицияға жалған хабар берген тұрғын жазаланды
2021 жылғы 22 ақпан 03:28

Атырауда полицияға жалған хабар берген тұрғын жазаланды

АТЫРАУ. ҚазАқпарат – Атырауда полицияға жалған хабар берген тұрғын жазаланды, деп хабарлайды ҚазАқпарат.

Облыстық полиция департаменті баспасөз қызметінің мәліметінше, 18 ақпанда сағат 22:50 шамасында 41 жастағы азамат заңды некедегі әйелін ұрып жатқанын айтып, хабарлама берген.

«Осыған байланысты учаскелік полиция инспекторлары тексеру жүргізді. Тексеру кезінде аталған азаматтың полицияға жалған хабар бергені белгілі болды. Наркологиялық сараптаманың қорытындысымен аталған азаматтың орта дәрежедегі мас екені анықталды.

Оған қатысты ҚР Әкімшілік құқықбұзушылық туралы кодексінің 438-бабының 1-бөлімімен (Арнаулы қызметтердi көрiнеу жалған шақыру, мемлекеттiк өртке қарсы қызмет органдарын, полицияны, медициналық жедел жәрдемдi, авариялық қызметтердi көрiнеу жалған шақыру) әкімшілік хаттама толтырылып, 43 755 теңге көлемінде айыппұл салынды», - деп хабарлады департаменттің баспасөз қызметінен.

Автор:
Тілші

Jańalyqtar

MURAǴAT