Атырауда полициядан қашқан жүргізушіге 233 мың теңге айыппұл салынды
Облыстық полиция департаменті баспасөз қызметінің мәліметінше, 27 қазан-5 қараша аралығында «Шетел автокөліктері» жедел профилактикалық іс-шарасы өтіп жатыр.
«Аталған іс-шара кезінде патрульдік полиция қызметкерлері Ресей Федерациясында тіркеуде тұрған «Ваз-2115» маркалы автокөлігін тоқтатты. Алайда, 26 жастағы жүргізуші тәртіп сақшыларының талабын орындамай, қашып кеткен. Кейін көлік жүргізушісінің Жұмыскер шағын ауданында жол ережесін бұзғаны анықталды. Тексеру кезінде жүргізушінің бұған салынған 11 айыппұлын төлемегені белгілі болды» -деп хабарлады департаменттің баспасөз қызметі.
Полициядан қашып, жол-көлік оқиғасына ұрынған жүргізушіге қатысты әкімшілік хаттамалар толтырылып, 233 мың 330 теңге көлемінде айыппұл салынды.
Еске сала кетелік, бұған дейін Атырауда ұрланған көлік 15 минутта иесіне қайтарылғанын хабарлаған едік.