Атырауда отағасынан зәбір көрген 18 әйел мен 30 бала дағдарыс орталығына орналастырылған
Облыстық полиция департаментінің бастығы, полиция полковнигі Қамза Үмбетқалиевтың айтуынша, жыл басынан бері отбасындағы тұрмыстық зомбылыққа қатысты 800-ге жуық құқық бұзушылық анықталған.
«Ер азаматтардың алкогольдік ішімдікке тәуелді болуынан әйелдерге қатысты зорлық-зомбылық туындайды. Соның кесірінен көптеген отбасының шырқы бұзылып, балалары зардап шегеді. Мәселен, биылғы 8 айда тұрмыстық зорлық-зомбылыққа ұшыраған әйелдерге көмек көрсететін дағдарыс орталығына 18 ана мен 30-дан астам бала орналастырылды. Отбасындағы тұрмыстық қатынасқа байланысты заңдылыққа қайшы 800-ге жуық құқық бұзушылық анықталып, кінәлілер ҚР Әкімшілік құқықбұзушылық туралы кодексінің 73-бабымен әкімшілік жауапкершілікке тартылды», -дейді Қамза Үмбетқалиев.
Еске сала кетелік, бұған дейін Атырауда отбасының мазасын алған 800-ге жуық адам жауапкершілікке тартылған болатын.