Қолданушы баптаулары
Қолданушы баптаулары
+7 (701) 759 90 19 Лента
USD 371.56 EUR 422.43
RUB 5.56 CNY 53.51
Jańalyqtar

Атырауда оқушылар үшін тегін IT-сынып ашылды

2018 жылғы 13 қыркүйек 03:27 237
Бөлісіңіз:
Атырауда оқушылар үшін тегін IT-сынып ашылды

АТЫРАУ. ҚазАқпарат -Атырау қаласындағы Оқушылар орталығында «Нұр Отан» партиясының бастамасымен IT-сынып  ашылды,  деп хабарлайды ҚазАқпарат тілшісі.    

Облыстық «Нұр Отан» партиясының баспасөз хатшысы Эльмира Тұңғатарованың айтуынша, балаларға арналған тегін ІТ-сыныптарын іске қосу үшін негізгі оқыту бағдарламасы ретінде британдық «Love to code» бағдарламалауының халықаралық білім франшизасы пайдаланылуда. Әр сыныпта дәріс беретін мұғалімдер болады. Олар Х.Досмұхамедов атындағы Атырау мемлекеттік университетінің базасында ашылған «ІТ-мамандарын даярлау орталығында»  арнайы дайындықтан  өткен. 

Махамбет ауданына қарасты Бейбарыс ауылының тұрғыны Исабек Бисенбай Атыраудағы Оқушылар орталығына көптен бері келіп жүр. Ол әсіресе мультфильмдер құрастырғысы келетінін айтады.

«Орталықта ІТ-сынып ашылатынын естігінде қатты қуандым. Өйткені  компьютерлік бағдарламаларды меңгеруді алдыма мақсат етіп қойғанмын», - дейді ол. 

«Нұр Отан» партиясының бастамасымен балалар үшін IT-сыныптың ашылуы елдің бас партиясының ерекше қамқорлығы деп білемін. Және бұл заман талабына сай ашылған арнайы сыныпта 8 жастан 16 жасқа дейін балалар оқытылады. Қазір арнайы кесте жасақтадық. 6 топта 12 баладан оқытылады», - дейді Оқушылар орталығының директоры Айзада Түсіпқалиева.    

Айта кету керек, «Цифрлық Қазақстан» мемлекеттік бағдарламасын жүзеге асыру мақсатында қолға алынған жоба аясында Атырау облысында биыл 10  ІТ-сынып ашылды.

Біздің каналымызға жазылыңыз:

Бөлісіңіз:

Автор:

Абай Абылайұлы

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
MURAǴAT