Атырауда мұнай өңдеушілер 5 гектарға 2 500 көшет отырғызады

None
None
АТЫРАУ. ҚазАқпарат – Атырауда мұнай өңдеушілер 5 гектарға 2 500 көшет отырғызады, деп хабарлайды ҚазАқпарат.

Атырау мұнай өңдеу зауыты облыс әкімдігімен арада жасалған Атырау қаласының аумағын көгалдандыру жөніндегі меморандум аясында көшеттер отырғызуды бастады. Бұл үшін Атырау қаласына іргелес Перетаска кентінен 5 гектар жер телімі бөлінген.

«Көгалдандыру алдында бөлінген аумақ қоқыстан тазартылып, иесіз қалған құрылыстар бөлшектелді. Зауыт қызметкерлері жергілікті сортаң топырақта өсуге бейім қарағаш, терек пен шағанның 2 500 көшетін таңдады. Күзгі кезеңде көшеттерді суару арнайы су таситын техникамен жүргізіледі. Ал, келесі жылы әзірленген жобалау-сметалық құжаттамаға сәйкес суару жүйесі бар сорғы станциясын салу жоспарлануда. Қазір зауытта ауданы 224 га көгалдандырылған және абаттандырылған санитарлық-қорғау аймағы бар. Осы аумақта 126 270 көшет пен бұта егіледі. Бған қоса жыл сайын 11 753 дана көшет егіліп, күтім жасалады» -деп хабарлады кәсіпорынның қоғаммен байланыс бөлімі.

Еске сала кетелік, бұдан бұрын Атырау облысында орман қорын молайтудың кешенді жоспары бекітілгенін хабарлаған болатынбыз.


Соңғы жаңалықтар