Атырауда мейрамхана мен дәмханалардың жұмысы шектелді
Атырау облысының бас мемлекеттік санитарлық дәрігері Амантай Жұмағалиевтың қаулысына сәйкес, азық-түлік және азық-түлік емес базарлар сағат 10.00-ден 17.00-ге дейін жұмыс істейтін болды.
Ал, гипермаркеттер, супермаркеттер және басқа да азық-түлік дүкендері жұмысын сағат 09.00-ден 21.00-ге дейін (азық-түліктерді сату көкөніс пен жемістерді қоспағанда, тек өлшеп салынған түрде жүзеге асырылады) жалғастырады.
«Қоғамдық тамақтану нысандары (мейрамханалар/барлар/кафелер/асханалар және басқалар) жұыс істеді, бірақ келушілер саны бір уақытта 30 адамнан аспауы керек. Үстелдер арасындағы қашықтық 2 метрден кем емес деңгейде сақталу тиіс, бір үстелге 4-тен артық адам отырғызылмайды. Жұмысы сағат 10.00-ден 21.00-ге дейін» делінген хабарламада.
Еске сала кетелік, бұған дейін Атырауда карантиндік шектеу қайта күшейтілді.