USD 434.34 EUR 491.93
RUB 5.56 CNY 68.67
Jańalyqtar

Атырауда күзет қызметі басқармасы бастығының орынбасары 7 жылға сотталды

2021 жылғы 21 қазан 14:32
Бөлісіңіз:
Атырауда күзет қызметі басқармасы бастығының орынбасары 7 жылға сотталды

АТЫРАУ. ҚазАқпарат – Атырауда мамандандырылған күзет қызметі басқармасы бастығының орынбасары 7 жылға сотталды, деп хабарлайды ҚазАқпарат.

Ұқсас жаңалықтар
Атырау облысында коронавируспен ауырған 3 адам қайтыс болды Сот Елжан Біртановтың ісін Бас Прокуратураға қайтарды Жүйелі сыбайлас жемқорлық қаңтардағы көтерілістердің триггеріне айналды – Қасым-Жомарт Тоқаев

Сыбайлас жемқорлыққа қарсы іс-қимыл агенттігі Атырау облыстық департаменті басшысының бірінші орынбасары Айдос Мамыттың айтуынша, биылғы 9 айда құқық қорғау органдарында 18 дерек анықталған.

«Бүгін, 21 қазанда Атырау қалалық №2 сотының үкімімен Атырау облыстық мамандандырылған күзет қызметі басқармасы бастығының орынбасары өзінің қарауындағы қызметкерлерінен пара алған үшін кінәлі деп танылып, 7 жылға бас бостандығынан айырылды. Сот отырысына сотталушының туыстарымен бірге ұжымдастары қатысты. Мұндай шара сыбайлас жемқорлық құқық бұзушылықтары салдарымен күресте маңызды рөл атқарады. Сол себептен, облыстық сотпен арадағы келісім негізінде мемлекеттік қызмет ұжымдары әріптестеріне қатысты қаралатын сот процестеріне қатысатын болады. Осылайша, мемлекеттік қызметшілер арасындағы сыбайлас жемқорлықты қысқартуды, тіпті жоюды жоспарлап отырмыз», - дейді Айдос Мамыт.

Сот үкімі заңды күшіне енген жоқ.

Еске сала кетелік, бұған дейін Атырауда білім басқармасының экс-шенеунігі сотталғанын хабарлаған едік.


Біздің каналымызға жазылыңыз:

Бөлісіңіз:

Автор:

Бек Мұстафа

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT