+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Атырауда қуыршақ театрының алғашқы премьерасы сәтті өтті

2021 жылғы 28 наурыз 04:00
Бөлісіңіз:
Атырауда қуыршақ театрының алғашқы премьерасы сәтті өтті

АТЫРАУ. ҚазАқпарат – Атырауда қуыршақ театрының алғашқы премьерасы сәтті өтті, деп хабарлайды ҚазАқпарат.

Ұқсас жаңалықтар
Тұңғыш Президент күні: «Көңілдің асыл пернесі» атты халықаралық конкурстың жеңімпаздары белгілі болды Атырау облысында вакцинаның І компонентін 250 мыңға жуық адам салдырды Жезқазғанда «Мен – жас қазақстандықпын» қала жастарының форумы ұйымдастырылды

Махамбет атындағы қазақ академиялық драма театрының жанынан ашылған қуыршақ театры алғашқы премьерасы «Ата мектебі» спектаклін сахнаға шығарды. Балаларға арналған алғашқы премьераның авторы – театр әртісі Бекет Зинуллин.

«Ата мектебі» – жастардың қарт ата-аналарын ауылда қалдырып, оқуға, жұмыс істеуге, ақша табу үшін қалаға кетуге мәжбүр болатыны туралы әңгіме. Алайда, қалаға барған жастар ата-анасына қоңырау шалуды, барып тұруды ұмытып кетеді. Күнделікті өмірде жиі кездесетін ақиқат демалыста атасына қонаққа келген кішкентай немеренің бейнесінде көрінеді. Ауылда өткізген қысқа мерзім ішінде бала атасының даналық ұлағатына қуана зейін қояды. Пайдалы кеңес алып, домбырада ойнауды үйренеді. Бақшаға күтім жасауға көмектеседі. Қаладағы ата-анасына оралар сәтте немересі атасын құшақтап, тағы да келуге уәде береді.

«Аға буын – отбасылық құндылықтар мен дәстүрді сақтап, кейінгі ұрпаққа жеткізушілер. Олар бала тәрбиесінде маңызды рөлі атқарады. Ата-әжені ешбір мектеп те, балабақша да алмастыра алмайды. Сол себептен, біз ауылдағы қарт ата-ананың балаларына, немерелеріне деген сағынышын, ұлағатын көрсетуді көздедік. Олар қарашаңырақты тастап, қаладағы балаларына қоныс аударғысы келмейді. Кейде өзім де алыс ауылдағы ата-анамды ойлап, мұңайып қаламын. Бұл – өмір. Десек те, ең басты ой – ата-ананы жалғыз қалдырмауды көрерменге жеткізе алдық деп ойлаймын», - дейді сценарий авторы Бекет Зинуллин.

Академиялық драма театрдың директоры Берік Жәменовтың айтуынша, Атырауда қуыршақ театрын ашу идеясы осыдан бірнеше жыл бұрын туындаған.

«Оңтүстікте өңірдегі қуыршақ театрының әртістері Сұлтан Бейбарыстың балалық шағы туралы жазылған Рахымжан Отарбаевтың «Сағыныш шөбі» атты пьесасын сахналады. Сол спектакльдегі көріністер жан-дүниемді қозғап жіберді. Бұл туралы театрымыздың әртістеріне ұсыныс айтып едім. Олар Атырауда да қуыршақ театрын ашу бастамасын бірден қолдады» -дейді Берік Жәменов.

Оның айтуынша, болашақта Алматы, Ақтөбе қалаларындағы қуыршақ театрларының мамандарын, әртістерін шақыру жоспарланып отырмыз. Қойылымдарға балалар да қатыстырылмақ.

Еске сала кетелік, бұдан бұрын Атырауда алғаш рет қуыршақ театры ашылатынын хабарлаған болатынбыз.


Біздің каналымызға жазылыңыз:

Бөлісіңіз:

Автор:

Бек Мұстафа

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT