+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Атырауда коронавирусқа шалдыққандардың тең жартысы ауруды той мен базарда жұқтырған

2021 жылғы 23 шілде 02:03
Бөлісіңіз:
Атырауда коронавирусқа шалдыққандардың тең жартысы ауруды той мен базарда жұқтырған

АТЫРАУ. ҚазАқпарат – Атырау облысының әкімі Махамбет Досмұхамбетов эпидемиологиялық ахуалға қатысты кеңес өткізіп, тұрғындардың қауіпсіздігін қамтамасыз етуді тапсырды, деп хабарлайды ҚазАқпарат.

Ұқсас жаңалықтар
Қазақстанда коронавирусқа қарсы вакцинаның II компонентін 3 730 920 адам салдырды Қазақстанда өткен тәулікте коронавирус пневмониясынан 14 адам қайтыс болды Қазақстанда коронавирустан емделіп жатқан 1677 адамның жағдайы ауыр

Облыстық санитарлық-эпидемиологиялық бақылау департаментінің басшысы Мәдениет Танауовтың мәліметінше, 25 маусымнан бері қауіпті вирусты жұқтырушылар саны артқан.

Мәселен, 1-21 шілде аралығында 5082 жағдай тіркелген.

«Өткен аптада науқастар саны 1,2 есе өскен. Қауіпті індеттің жұғу ошағы адам көп жиналатын орындар болып тұр. Науқастардың тең жартысы түнгі клубтар, тойлар, еске алу іс-шаралары мен сауда үйлері, базарларда, қоғамдық тамақтану орындарында жұқтырған. Сондай-ақ, 23,8% – сырқатпен жақын қарым-қатынаста болғандар, 17,7% қоғамдық көлікте жұқтырған», - дейді Мәдениет Танауов.

Ал, облыстық денсаулық сақтау басқармасының басшысы Асхан Байдуәлиевтың айтуынша, 2 632 орындық инфекциялық стационарларда 1170 науқас емделіп жатыр.

Мұндағы жүктеме 44,4%-ды құрап отыр. Ал, 113 төсек-орны бар жансақтау бөлімде емделіп жатқандар – 63 адам. Жансақтау бөліміндегі жүктеме 55,7% жеткен.

«Жыл басынан бері облысқа 141 200 доза вакцина жеткізіліп, 93% игерілген. Сондай-ақ, амбулаториялық емдеудің тиімділігін арттыру үшін мобильді бригадалар саны көбейтілді» -дейді Асхан Байдуәлиев.

Аудан әкімдерінің мәлім етуінше, науқастар санының толассыз артуына байланысты кейбір аудандарда инфекциялық төсек-орын жетіспеушілігі байқалған.

Облыс әкімі Махамбет Досмұхамбетовтің пікірінше, коронавирус инфекциясымен ауыратындар санының артып, шырқау шегіне жететін кезеңі алда болатыны туралы болжамды ескеру керек.

«Осыған байланысты сақтық шараларын күшейткен жөн. Сала басшылары медициналық мекемелерді қажетті дәрі-дәрмектермен толықтай қамтамасыз етуі тиіс. Қосымша инфекциялық төсек-орын ашу мүмкіндігін қарастырып, карантин талаптарының қатаң орындалуын қамтамасыз ету қажет. Тұрғындарға қызмет көрсететін барлық нысанды «Ashyq» бағдарламасымен қамтып, мобильді топтар жұмысының тиімділігін арттыру керек» -деді Махамбет Досмұхамбетов.

Еске сала кетелік, бұдан бұрын Атырау облысында коронавирус жұқтырғандар көбейгенін жазған едік.


Біздің каналымызға жазылыңыз:

Бөлісіңіз:

Автор:

Бек Мұстафа

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT