USD 434.48 EUR 492.61
RUB 5.68 CNY 68.44
Jańalyqtar

Атырауда қоғамдық орында төбелескен үш жігіт жазаланды

2021 жылғы 16 шілде 13:24
Бөлісіңіз:
Атырауда қоғамдық орында төбелескен үш жігіт жазаланды

АТЫРАУ. ҚазАқпарат – Атырау қаласында қоғамдық орында төбелескен үш жігіт жазаланды, деп хабарлайды ҚазАқпарат.

Облыстық полиция департаменті баспасөз қызметінің ақпаратына сүйенсек, 14 шілде сағат 17:59 шамасында жедел басқару орталығының бейнебақылау инспекторлары төбелескен үш жігітті байқаған.

«Учаскелік полиция инспекторлары Құрманғазы көшесінде орналасқан «Сафари» кафесінің алдында төбелес шығарып, қоғамдық тәртіпті бұзған үш жігітті анықтады. Бір-бірімен өзара келісе алмағандар – 33, 32 және 30 жастағы азаматтар», -деп хабарлады департаменттің баспасөз қызметі.

Қоғамдық орында төбелескен үш жігітке қатысты ҚР Әкімшілік құқық бұзу кодексінің 434-бабымен әкімшілік хаттама толтырылды.

Соттың шешімімен екі азаматтың әрқайсысына 10 айлық есептік көрсеткіш көлемінде айыппұл салынып, біреуі бір тәулікке әкімшілік қамауға алынды.

Еске сала кетелік, бұдан бұрын Атырауда жылқы мүсінін сындырған азамат қамауға алынғанын жазған болатынбыз.



Біздің каналымызға жазылыңыз:

Бөлісіңіз:

Автор:

Бек Мұстафа

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT