Атырауда киелі жерлердің мобильдік қосымшасы жасалынуда

АТЫРАУ. ҚазАқпарат - Атырауда өңірде орналасқан киелі жерлердің мобильдік қосымшасы жасалынуда, деп хабарлайды «ҚазАқпарат» ХАА тілшісі.

«Өңіріміздегі киелі жерлердің картасын жасау жоспарымызда бар. Бұл жергілікті тұрғындар үшін де, келушілер үшін де пайдалы. Мысалы, аймақтағы киелі жерлердің бірі - танымал діни қайраткер, ағартушы және батыр, Құлсары қаласынан 70 шақырым жерде дүниеге келген Бекет Атаның ата-анасының қабірі. Бекет Атаның басына бармас бұрын, оның ата-анасына кіріп шығу керек - олар жолдың бойында, Жылыой ауданында жерленген. Қызылқоға ауданында Алып ана, Мәтен қожа атты киелі орындар бар. Атыраудың өзінде халық дәріптейтін Сары ата қабірі орналасқан. Мұндай жерлер өте көп», - деп хабарлады Х.Досмұхамедов атындағы Атырау мемлекеттік университеті ғылым департаментінің директоры Әния Ермағамбетова.