23:48, 20 Маусым 2018 | GMT +6
Атырауда қайыр сұраған адамға айыппұл салынды
АТЫРАУ. ҚазАқпарат - Атырауда қайыршылықпен айналысқан азаматшаға айыппұл салынды, деп хабарлайды ҚазАқпарат тілшісі.
«Атырау қаласының мамандандырылған ауданарлық әкімшілік сотының шешімімен Қазақстан Республикасының ӘҚБтК-нің 449-бабының 2-бөлігіне сәйкес, азаматша Х.С.-ға қатысты әкімшілік іс қаралды. Х.С. Атырау қаласы Иманғали орталық мешіті алдында жүргіншілерді мазалап, қайыршылықпен айналысқан. Ол бұған дейін де осындай әрекеті үшін жауапқа тартылған болатын», - делінген соттың хабарламасында.
Сондай-ақ, сот шешімімен Х.С. есімді азаматша кінәлі деп танылып, оған әкімшілік жаза ретінде 15 883 тенге көлемінде айыппұл салынды.