+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Атырауда Каспий жағасынан браконьерлердің «қонысы» табылды

2021 жылғы 2 маусым 12:38
Бөлісіңіз:
Атырауда Каспий жағасынан браконьерлердің «қонысы» табылды

АТЫРАУ. ҚазАқпарат – Атырау облысында Каспий жағасынан браконьерлердің уақытша «қонысы» табылды, деп хабарлайды ҚазАқпарат.

Ұқсас жаңалықтар
Атырауда көлік терезесін сындырып 2 млн теңге ұрлағандар ұсталды Атырауда елордалық дәрігерлер 5 балаға ота жасап, 300-ге жуық кеңес берді Атырауда Наурыз мерекесіне бөлінген 116 млн теңгеге қатысты жағдай түсіндірілді

Бұл Жайық-Каспий облысаралық бассейндік балық шаруашылығы инспекциясы мен Атырау мамандандырылған табиғат қорғау прокуратурасы қызметкерлерінің бірлескен рейді кезінде анықталған.

«Бекіре-2021» балық қорғау акциясы аясында Каспий теңізінің солтүстік жағалауын қамтыған бірлескен рейдке тікұшақ тартылды.

«Рейд кезінде Жылыой ауданындағы «Терең-Өзек» кен орнына жақын жерде, қамыс қопасының арасынан уақытша «қоныс» табылған. Онда бірнеше адамға арналған төсек-орын жабдығы, газ баллоны, азық-түліктер пен су қоры, құрал-саймандар жиынтығы, автомобиль аккумуляторы, фонарьлар, қуаттағыш құрылғылар, рация мен бір ұңғылы мылтық болған. Уақытша «қоныстың» жанында жол талғамай жүруге лайықталған 2 көлік тұрған. Су жағасында 3 резеңке қайық байланған. Сондай-ақ, 7 қапқа қытайлық ау салынған» -деп хабарлады Балық шаруашылығы комитетінің баспасөз қызметі.

Каспий жағасынан табылған көліктің бірі, сондай-ақ резеңке қайықтар мен балық аулау құралдары салынған сөмкелер Атырау қаласына жеткізілді. Аталған дерекке қатысты толтырылған хаттамалар құқық қорғау органдарына жолданады.

Еске сала кетелік, бұған дейін Атырау облысында қамыс арасына жасырылған үш жүрдек қайық тәркіленгенін хабарлаған болатынбыз.


Біздің каналымызға жазылыңыз:

Бөлісіңіз:

Автор:

Бек Мұстафа

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT