17:07, 17 Ақпан 2021 | GMT +6
Атырауда кәсіпкерлер жобасына 28 млрд теңге несие берілді
АТЫРАУ. ҚазАқпарат – Атырау облысында 453 кәсіпкердің жобасына 28 млрд 600 млн теңге несие берілді, деп хабарлайды ҚазАқпарат.
Атырау облысының әкімі Махамбет Досмұхамбетовтің айтуынша, пандемия ушыққан кезде шағын және орта бизнестің 22 мыңнан астам субъектісіне салықтық жеңілдіктер берілген. Ал 5 мыңға жуық кәсіпкерлік субъектісі көмек алған.
«Бизнестің жол картасы – 2025» бағдарламасы шеңберінде 453 кәсіпкер жобасын іске асыру үшін 28 млрд 600 млн теңгеге несие алған. Кәсіпкерлер өз жобалары арқылы 670 жаңа жұмыс орнын ашады», - деді Махамбет Досмұхамбетов.
Еске сала кетелік, бұдан бұрын Атырау облысында кәсіпкерлік нысандарының саны 50 мыңнан асқанын хабарлаған болатынбыз.