12:14, 02 Тамыз 2021 | GMT +6
Атырауда караоке-бар күзетшісі тексеріп келген мониторинг тобының мүшесін ұрған
АТЫРАУ. ҚазАқпарат – Атырауда караоке-бар күзетшісі мониторингтік топ мүшесін ұрған, деп хабарлайды ҚазАқпарат.
Карантин шектеу шаралары күшейтілгенмен, көңіл көтеру іс-шараларын өткізу әлі де тоқтар емес.
Бірнеше рет айыппұл төлеген караоке-бардың күзетшісі мониторинг тобының мүшесіне қол көтерген.
Бұл деректі облыстық полиция департаментінің баспасөз қызметі растады.
«Қазір аталған дерекке қатысты ҚР Қылмыстық Кодексінің 293-бабымен (Бұзақылық) тергеу амалдары жүргізіліп жатыр. Өзге ақпарат тергеу мүддесіне сәйкес жариялауға жатпайды», -деп хабарлады департаменттің баспасөз қызметі.
Еске сала кетелік, бұған дейін Атырауда карантин талаптарын бұзғандарға 57 млн теңге айыппұл салынған болатын.