+7 (701) 759 90 19
USD 447.67 EUR 491.36
RUB 5.74 CNY 63.07
Jańalyqtar

Атырауда «Біз – Жеңістің мұрагеріміз!» эстафетасы өтті

2020 жылғы 28 ақпан 17:58
Бөлісіңіз:
Атырауда «Біз – Жеңістің мұрагеріміз!» эстафетасы өтті

АТЫРАУ. ҚазАқпарат –Атырау қаласындағы Жеңіс саябағында «Біз – Жеңістің мұрагеріміз!» эстафетасы өтті, деп хабарлайды ҚазАқпарат.

Ұқсас жаңалықтар
Қарағанды мектебінде Мартбек Мамраев мұражайы ашылды Майданда мұз жастанып, қар жамылсақ та, ар-намысымызды жоғалтпадық – Рабиға Зайнуллина Ким Серікбаев: Жеңіс - жастарды патриоттық рухта тәрбиелеудің жарқын үлгісі

Эстафетаның негізгі атрибуты – 1941 жылы Алматы қаласында жасақталып, Мәскеуден Берлинге дейін жеткен Совет Одағының Батыры, генерал-майор И.Панфилов атындағы 8-гвардиялық мотоатқыштар дивизиясының жауынгерлік туының көшірмесі. Оны Қазақстан әскери-тарихи музейінің Алматы қаласындағы филиалы ұсынды. Бұл эстафета республикалық маңызы бар үш қала мен облыс орталықтары және шағын жеті қалада өтеді.

Атырау –биылғы 5 ақпанда Алматы қаласынан бастау алған эстафетаны қабылдаған сегізінші қала. Ту көшірмесін қабылдау шарасына полиция, төтенше жағдайлар, қылмыстық-атқару жүйесі департаменттері, Ұлттық ұланның өңірлік қолбасшылықтары, әскери бөлімдері мен бөліністері, соғыс ардагерлері, мектеп оқушылары мен әскери-патриоттық клубтардың тәрбиеленушілері, қоғамдық ұйымдардың өкілдері қатысты.

Шарада Атырау қаласы әкімінің орынбасары Ұлықбек Тінәлиев, облыстық полиция департаменті басшысының орынбасары Әділхан Байдосов, Атырау қалалық ардагерлер кеңесінің төрағасы Әліпқали Бекеш және «Батыс» өңірлік қолбасшылығы қолбасшысының тәрбие және әлеуметтік құқықтық жұмыстар жөніндегі орынбасары Бақыт Алазов Жеңісті жақындатқан майдангерлердің ерлігі туралы әңгімеледі. Содан соң Ұлттық Ұланның 5547 әскери бөлімі командирінің орынбасары, подполковник Нұрлан Шегеновтен Атыраудағы 5546 әскери бөлімі командирінің орынбасары, майор Тимур Рахимов жауынгерлік ту көшірмесін қабылдап алды.

Әскери оркестр соғыс жылдарындағы әндерді орындады. Ұлттық Ұланның 5546 әскери бөлімінің жауынгерлері салтанатты шерумен өтіп, ардагерлерге әскери форматта сәлемдесті.

Енді жауынгерлік туды атыраулық әскерилер Маңғыстаудағы әріптестеріне табыс етеді.


Біздің каналымызға жазылыңыз:

Бөлісіңіз:

Автор:

Жолдасбек Көшербайұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT