USD 434.84 EUR 498.2
RUB 5.72 CNY 68.47
Jańalyqtar

Атырауда бірнеше дүкенде төтенше жағдайға қарамастан алкоголь өнімдері сатылған

2022 жылғы 15 қаңтар 17:50
Бөлісіңіз:
Атырауда бірнеше дүкенде төтенше жағдайға қарамастан алкоголь өнімдері сатылған

АТЫРАУ. ҚазАқпарат – Атырауда бірнеше дүкенде төтенше жағдайға қарамастан алкоголь өнімдері сатылған, деп хабарлайды ҚазАқпарат.

Ұқсас жаңалықтар
Қызылорда облысында төтенше жағдай кезінде ұрлық жасағандар ұсталды Мемлекеттік кірістер органдары барлық тексерулерді 1 ақпанға дейін тоқтатты Елдегі мәйітханалардың қауіпсіздігі күшейтіледі

Атырау облысы комендатурасының мәліметінше, төтенше жағдай режимінің енгізілуіне байланысты алкогольдік өнімдерді сатуға тыйым салынған.

«Қаңтардың 5-нен 19-на дейін өңірде тұрғындардың қауіпсіздігін қамтамасыз ету

мақсатында коменданттық сағат енгізілді. Түнгі сағат 11:00-ден таңғы сағат 7:00-ге дейін жаяу жүргіншілер мен автокөлік қозғалысына тыйым салынды. Төтенше жағдай кезінде алкогольдік өнімдерді сатуға тыйым салынды. Алайда, бұл шектеуге қарамастан өңірде алкогольдік өнімдерді саудалаған 5 дерек тіркелді. Мәселен, 9 қаңтарда Атырау қаласындағы Вокзал маңы шағын ауданында орналасқан алкомаркеттердің бірінде 1980

жылғы азаматшаның алкогольдік өнімдерді сатқаны анықталды. Алкомаркеттің иесіне

қатысты ҚР Әкімшілік құқықбұзушылық туралы кодесінің 476-бабымен (Төтенше жағдай режимiн бұзу) әкімшілік хаттама жасақталып, сот шешімімен 10 айлық есептік көрсеткіш көлемінде айыппұл салынды. Алкоголь өнімдерін сату туралы заң талаптарын бұзған кәсіпкерлердің бәрі әкімшілік жауапкершілікке тартылды», -леп хабарлады облыс комендатурасынан.

Еске сала кетелік, бұдан бұрын Атырауда жаппай тәртіпсіздікке қатысқан күдіктіден атыс

қаруы тәркіленгенін жазған болатынбыз.


Біздің каналымызға жазылыңыз:

Бөлісіңіз:

Автор:

Бек Мұстафа

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT