+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Атырауда бір түнде ұсталған 9 мас жүргізуші қамауға алынды

2021 жылғы 28 қыркүйек 05:05
Бөлісіңіз:
Атырауда бір түнде ұсталған 9 мас жүргізуші қамауға алынды

АТЫРАУ. ҚазАқпарат – Атырауда бір түнде ұсталған 9 мас жүргізуші қамауға алынды, деп хабарлайды ҚазАқпарат.

Ұқсас жаңалықтар
Атырау облысында тоғыз айда 38 жүргізуші сотталды

Облыстық Полиция департаменті баспасөз қызметінің мәліметіне қарағанда, бір түнде көлікті мас күйде басқарған 9 мас жүргізуші ұсталған.

«Мәселен, 25 қыркүйекте сағат 04:10 шамасында Атырау қаласындағы Владимирский көшесінде «Cadillac Escalade» маркалы автокөлік тоқтатылды. Тексеру кезінде рульде отырған 1983 жылғы жүргізушіден ішімдіктің иісі байқалған. Медициналық сараптаманың корытындысымен оның жеңіл дәрежеде мас екені анықталды. Оған қатысты ҚР Әкімшілік құқықбұзушылық туралы кодексінің 608-бабының 1-бөлігімен (Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқарғаны үшін) әкімшілік хаттама толтырылды», - деп хабарлады департаменттің баспасөз қызметі.

Бір түнде ұсталған 9 жүргізушінің көлігі арнаулы тұраққа қойылған. Барлығы да 7 жылға жүргізуші куәлігінен айырылып, сот шешімімен 15 тәулікке әкімшілік қамауға алынды.

Еске салайық, бұған дейін Атырауда жыл басынан бері 400-ден астам мас жүргізуші ұсталғанын жазған едік.


Біздің каналымызға жазылыңыз:

Бөлісіңіз:

Автор:

Бек Мұстафа

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT